• Forsíða
  • Starfsmenn
  • Hlutverk
  • Flugtölur
  • Störf í boði

Flugvellir á Íslandi

Rekstur og uppbygging íslenskra flugvalla
Rekstur íslenskra flugvalla felur í sér margþætta starfsemi til að tryggja að flugbrautir, flughlöð, flugstöðvar og allur búnaður flugvallanna séu í fullkomnu lagi; öryggismál, innra eftirlit, hönnun og framkvæmdir á ýmsum sviðum auk flugleiðsögu eru stór hluti þeirrar starfsemi.

Stærsti flugvöllurinn sem Isavia rekur er Keflavíkurflugvöllur sem er miðstöð millilandaflugs og svo Reykjavíkurflugvöllur sem er miðstöð innanlandsflugs á Íslandi.  Keflavíkurflugvöllur er búinn fullkomnum tækjum og þjónar öllum flugvélategundum. Þjónusta í flugstöðinni er framúrskarandi að mati alþjóðasamtaka flugvallarrekenda – Airports Council International – samkvæmt könnun sem samtökin gerðu meðal flugfarþega í mars 2008. Flugstöðin er rómuð fyrir þægilega staðsetningu í miðju Atlantshafi og lenti í fyrsta sæti fyrir þægindi við að skipta um flug sem og aðgengi að verslunum og bankaþjónustu, í þriðja sæti fyrir öryggi og var almennt valin fimmta besta flugstöð í heimi í flokki flugstöðva með færri en 5 milljónir farþega.

Alþjóðlegar kröfur
Undanfarin ár hafa alþjóðlegar kröfur til flugverndar- og viðbúnaðarmála á flugvöllum aukist umtalsvert. Aðgengiskröfur að flugvöllum hafa verið hertar til muna og miklar breytingar hafa verið gerðar á öryggis-, flugverndar-, slökkvi, björgunar-, og neyðarviðbúnaðarmálum íslenskra flugvalla.

Umsjón með öryggismálum er unnin innan flugverndar- og björgunardeildar og eru neyðarviðbúnaðarmál tryggð með viðeigandi þjálfun, ítarlegri samhæfingu og gerð áætlana á því sviði bæði hvað varðar flugvelli landsins og flug yfir landinu.

Isavia starfrækir gæða- og öryggisstjórnunarkerfi og tryggir með því gæði og öryggi  flugvalla- og flugleiðsöguþjónustunnar.

Flugvellir á Íslandi eru flokkaðir í sex flokka og fer flokkunin eftir ýmsum atriðum eins og aðflugstæki, ljósabúnað, snjóruðningsgetu, tækjbúnað, öryggismál og margt annað.  Þjónustutímar flugvalla á Íslandi er hægt að nálgast í flugmálahandbókinni.

Áætlunarflugvellir innanlands eru:

Flugbrautir með grasyfirborði:

Tengt efni

• Suður og Vesturland
  • Reykjavíkurflugvöllur
    • Sagan
    • Skipulagsreglur
• Norðurland
  • Akureyrarflugvöllur
    • Flugvernd á Akureyrarflugvelli
• Austurland
• Eyðublöð
• Reglur um akstur á flugbrautum
• Keflavíkurflugvöllur
• Vestfirðir