Reykjavíkurflugvöllur

Reykjavíkurflugvöllur er miðstöð innanlandsflugs á Íslandi. Völlurinn er staðsettur í Vatnsmýrinni, stutt frá miðborg Reykjavíkur. Völlurinn er nálægt Landspítalanum Hringbraut og gegnir mikilvægu hlutverki fyrir sjúkraflug á Íslandi.

Völlurinn er einn af fjórum alþjóðlegum flugvöllum á Íslandi og er nokkur millilandaumferð um hann þó mestur hluti umferðarinnar sé innanlandsflug. Alls fara um 400 til 500 þúsund farþegar völlinn á hverju ári.

Þrjár brautir eru á vellinum, 01/19 sem er 1.567 metrar, 06/24 sem er 960 metrar og 13/31 sem er 1.230 metrar.

Reykjavíkurflugvöllur er opinn frá 07:00 - 23:30 virka daga og 08:00 - 23:30 laugardaga, sunnudaga og almenna frídaga.