Hoppa yfir valmynd

Öryggisvika Isavia 5.- 9. október

Isavia leggur ríka áherslu á öryggismál og að allt starfsfólk taki virkan þátt í að tryggja öryggi á vinnustaðnum. Til að efla þennan þátt mun verða haldin Öryggisvika dagana 5.- 9. október 2020. Í Öryggisvikunni verður boðið uppá ýmsa viðburði til að efla þekkingu og vitund varðandi öryggismál.

Okkur ber öllum skylda til að tilkynna atvik sem geta haft áhrif á öryggi eða ef um slys er að ræða.  Atvik geta verið margvísleg s.s. þegar ekið er fyrir aftan ýtingu, tjón á búnaði eða loftfari, árekstur, slys eða næstum því slys eða aðstæður eða hegðun sem geta ógnað öryggi. Starfsfólk Isavia getur tilkynnt allar tegundir atvika á flugunni.  Starfsmenn annarra fyrirtækja geta tilkynnt atvik á vef Isavia.

Með því að tilkynna, líka næstum því atvik, aukum við öryggi okkar allra og komum í veg fyrir tjón eða slys.

Leiðarljós Isavia er öryggi, samvinna og þjónusta. Flugsamgöngur eru flókin og margþætt starfsemi þar sem öryggi er ávallt í lykilhlutverki. Krafan um öryggi almennings, viðskiptavina og okkar sjálfra felur í sér að við séum alltaf eins vel undirbúin og hugsast getur. Þess vegna erum við sífellt að bæta hæfni okkar og erum alltaf á tánum til þess að bregðast rétt við og stuðla að öruggum flugsamgöngum.

Öryggis- og gæðastjórnunarkerfi Isavia leggur grunninn að skilgreindri ábyrgð, skriflegum ferlum, skráningu og úrvinnslu atvika, öryggis- og gæðamála, gerð áhættumata, framkvæmd úrbóta, öryggisfræðslu og sífelldri endurskoðun á öryggis- og gæðamálum.

MUNUM AÐ SENDA ÖRYGGISTILKYNNINGU!

Verum á varðbergi og látum vita ef öryggi er ábótavant!

Sendum öryggistilkynningu hér á vefnum.


VISSIR ÞÚ?

  • ...að eitt af gildum Isavia er öryggi?
  • ...að hægt er að senda inn öryggistilkynningu á vefsíðu Isavia og á Flugunni?
  • ...að aðgangskortið þitt á ávallt að vera sýnilegt á öllum starfstöðvum?
  • ...að ávallt skal klæðast sýnileika fatnaði innan flugvallasvæðis? Og á vetrardögum aukum við öryggi allra með því að vera með endurskinsmerki !
  • ...að það er bannað að skilja eftir eða líta framhjá aðskotahlutum (FOD) á flugvallasvæðinu?
  • ...að FOD þýðir Foreign Object Debris?
  • ...að ef slys eða neyð kemur upp skal alltaf hringja í 112 ? ( Ef þú ert á Keflavíkurflugvelli skal ávallt líka hringja í stjórnstöð s. 425 6210)
  • ...að það er mikilvægt að tryggja öryggi allra með því að vera vakandi gagnvart hvers kyns smáatriðum í umhverfinu, til dæmis getur eitt lítið vínber í matsalnum orsakað það að einhver fellur og slasast.
  • ...að vinnuaðstaðan þín getur haft áhrif á heilsuöryggið þitt?
  • ...að hjartasstuðtæki eru aðgengileg í flestum byggingum Isavia og það hefur verið útbúið námsefni um þau?