AÐALSKIPULAG KEFLAVÍKURFLUGVALLAR 2013-2030
Endurskoðun aðalskipulags Keflavíkurflugvallar
Hafin er endurskoðun á aðalskipulagi Keflavíkurflugvallar og hefur skipulags- og matslýsing verið kynnt í samræmi við 1. mgr. 30. gr. skipulagslaga nr. 123/2010 og lög nr. 111/2021 um umhverfismat framkvæmda og áætlana. Í lýsingunni er gerð grein fyrir tildrögum skipulagsvinnunnar og hvernig fyrirhugað er að standa að skipulagsgerðinni auk þess sem megin áherslur eru skilgreindar, helstu forsendur við endurskoðunina og fjallað um fyrirkomulag samráðs og kynninga. Umhverfismat verður unnið samhliða endurskoðun aðalskipulags Keflavíkurflugvallar til að tryggja að litið sé til umhverfissjónarmiða í öllu skipulagsferlinu. Greinargerðin er aðgengileg á Skipulagsgátt Skipulagsstofnunar og er hægt að fylgjast með öllu ferli málsins þar: skipulagsgatt.is