Hoppa yfir valmynd

Störf hjá Isavia

Viltu starfa með samhentum hópi sem leggur grunn að flugsamgöngum Íslands?

VILTU VERÐA HLUTI AF GÓÐU FERÐALAGI?

Isavia rekur öflugt net flugvalla á Íslandi og flugleiðsöguþjónustu á einu stærsta flugstjórnarsvæði heims og leggur því grunn að öflugum flugsamgöngum á Íslandi. Hjá Isavia og dótturfélögum vinnur samhentur hópur sem telur um 1.250 manns, að því að vera hluti af góðu ferðalagi þeirra 30 milljón farþega sem fara um flugvelli okkar og flugstjórnarsvæði. Stefna okkar er að bjóða upp á gott og fjölskylduvænt starfsumhverfi, öfluga fræðslu og þjálfun og við leggjum áherslu á jákvæðan starfsanda innan fyrirtækisins. Gildi fyrirtækisins eru öryggi, samvinna og þjónusta.

AUGLÝST STÖRF

Meðferð umsókna

Almennum umsóknum er ekki svarað sérstaklega, en ef reynsla og hæfni umsækjenda nýtist í þau störf sem verið er að ráða í, verður haft samband við viðkomandi. Farið er með allar umsóknir sem trúnaðarmál.

Sækja um

Isavia Innanlandsflugvellir óskar eftir að ráða flugvallarvörð á Vopnafirði. Í boði er fjölbreytt og krefjandi starf. Helstu verkefni eru eftirlit með flugvallarmannvirkjum og flugbrautum, samskipti við flugvélar um flugradíó (AFIS), viðhald á tækjum flugvallarins, snjóruðningur og hálkuvarnir. Gerð er krafa um gott heilsufar. Um er að ræða 70 – 100% starfshlutfall. Viðkomandi þarf að ljúka grunnnámi flugradíómanna. Þjálfunin tekur u.þ.b. þrjá mánuði.

Hæfniskröfur:

• Aukin ökuréttindi og vinnuvélaréttindi eru skilyrði

• Iðnmenntun sem nýtist í starfi er kostur

• Reynsla af snjóruðningi og hálkuvörnum er kostur

• Góð tölvukunnátta er skilyrði

• Gott vald á íslensku og ensku

Umsóknarfrestur er til og með 1. nóvember nk.

Nánari upplýsingar veitir Ásgeir Harðarson umdæmisstjóri, [email protected]

Sækja um

Isavia Innanlandsflugvellir óska eftir að ráða flugradíómann á Egilsstaðaflugvöll. Viðkomandi þarf að ljúka grunnnámi flugradíómanna. Þjálfunin tekur u.þ.b. þrjá mánuði. Helstu verkefni eru að veita flugmönnum upplýsingar úr flugturni, fylgjast með fjarskiptarásum (radíó og síma) á auglýstum þjónustutíma og gerð og dreifing veðurathugana.

Hæfniskröfur:

• Stúdentspróf eða sambærileg menntun

• Góð íslensku- og enskukunnátta

• Góð almenn tölvukunnátta

• Lipurð í mannlegum samskiptum

• Gerð er krafa um gott heilsufar

Umsóknarfrestur er til og með 1. nóvember nk.

Nánari upplýsingar veitir Ásgeir Harðarson umdæmisstjóri, [email protected]

Sækja um

LENTIR ÞÚ Í VANDRÆÐUM MEÐ UMSÓKNINA?

Ef vandræði komu upp þegar þú sóttir um vinsamlegast sendu okkur póst á radningar@isavia.is

MEÐFERÐ STARFSUMSÓKNA HJÁ ISAVIA

  • Allar umsóknir um störf hjá Isavia skulu fara í gegnum ráðningarvef Isavia.
  • Farið er með allar umsóknir og fyrirspurnir um störf sem trúnaðarmál.
  • Umsækjendur fá staðfestingu á móttöku umsóknar í tölvupósti
  • Öllum umsóknum um auglýst störf er svarað þegar búið er að ráða í starfið. Umsóknarferlið tekur að jafnaði 4-8 vikur frá því að laust starf er auglýst.
  • Umsóknir eru gildar í 6 mánuði og geymdar samkvæmt lögum um Þjóðskjalasafn Íslands
  • Starfsmenn mannauðssviðs ásamt stjórnenda þess sviðs sem starfið tilheyrir hafa aðgang að þeim umsóknum sem berast
  • Umsækjandi þarf að standast bakgrunnsskoðun ríkislögreglustjóra vegna aðgangs að haftasvæði flugverndar.