Hoppa yfir valmynd

Listir og menning á Vestmannaeyjaflugvelli

TOLLI Á VESTMANNAEYJAFLUGVELLI

Fimmtudaginn 4. júlí verður  opnuð sýning á nýjum olíumálverkum eftir Tolla á Vestmannaeyjaflugvelli. Sýningin er samvinnuverkefni Isavia,  , og Tolla. Tolli hefur ferðast um landið og sett upp sýningar á verkum sínum. En sú fyrsta  var  í flugstöðinni á Egilsstöðum sl. september.      . Málverkasýningin mun standa fram yfir þjóðhátíð.

Boðið verður upp á léttar veitingar þann 4. júlí frá 16-18:30

Tímasetning sýningar Tolla í flugstöðinni í Vestmannaeyjum er ekki tilviljun. Goslokahátíð og hátíðarhöld vegna 100 ára afmælis Vestmannaeyjabæjar hefjast þennan dag, 4. júlí. Sýning Tolla er hluti af þeim hátíðarhöldum. .

Þetta  samvinnuverkefni hefur heppnast mjög vel og í  framhaldinu  stefnir Isavia að því að  nýta rými flugstöðva   til að styðja við ungt listafólk á hverjum stað við að koma  verkum sínum á framfæri..

LEITAR AFTUR Í RÆTURNAR

Listamaðurinn Tolli er ekki þekktur fyrir að fara troðnar slóðir þegar kemur að sköpun, framsetningu eða vali á sýningarrými. Síðustu misseri hefur málarinn sótt aftur í ræturnar og ferðast um landið en hann hefur oft talað um það að árin sem farandverkamaður hafi mótað hann mikið á yngri árum. Það kemur fram í málverkunum um leið og landsbyggðin  togar sífellt í hann. Tolli hefur sýnt víða, í yfirgefnum verksmiðjum, tónlistarhúsum og í verslunarmiðstöðvum. „Mér finnst áríðandi að fara með listina á vettvang. Hafa hana ekki fast í sínu verndaða umhverfi sýningarsalanna í borginni. Heldur fara með hana til fólksins.“

 „Ég ryð brautina og vinn með Isavia í því að gera flugstöðvarnar sýningavænar og nota mína list til að venja farþega og ferðalanga við hugmyndina að búið að sé að setja upp sýningarrými í þessum fallegu byggingum. Svo koma á næstu árum, flottir ungir listamenn sem eru að springa úr sköpunarkrafti og fylla þessi rými af enn meiri gleði,“ segir Tolli.

UM TOLLA

Þorlákur Kristinsson Morthens er fæddur 3. október 1953 og uppalinn
í Reykjavík. Hann kemur frá listrænu heimili og hefur málað og teiknað frá unga aldri. Tolli hóf nám við Myndlista- og handíðaskóla Íslands árið 1978 og lauk prófi úr nýlistadeild árið 1983. Eftir það fór hann í Hochschule der Künste í Vestur-Berlín undir handleiðslu Karl-Horst Hödicke prófessors, sneri heim 1985 og hefur starfað sem myndlistarmaður síðan.

Verk Tolla eru meðal annars í eigu Listasafns Íslands, Listasafns Reykjavíkur og Listasafns Háskóla Íslands, auk nokkurra stofnana í Evrópu og Bandaríkjunum.

CREATIVE TAKEOFF

Með Creative Take Off göngum við til samstarfs við listafólk og hönnuði. Við viljum nýta flugvallarbyggingar til að koma íslenskri list og hönnun á framfæri á fjölbreyttan og skemmtilegan hátt og gera upplifun ferðafólks áhugaverðari og ánægjulegri.