Allar sóttvarnareglur vegna Covid-19 hafa verið felldar úr gildi á landamærum Íslands, óháð bólusetningarstöðu ferðamanna. Þá hefur sóttvarnaaðgerðum verið aflétt að fullu á Íslandi.
Sóttvarnareglur á innanlandsflugvöllum hafa einnig verið felldar úr gildi. Farþegar eru ekki beðnir sérstaklega um að nota grímur í flugstöðvum, en geta að sjálfsögðu gert það ef þeir kjósa svo. Hægt er að nálgast spritt áfram í flugstöðvunum.
Upplýsingar um sóttvarnaaðgerðir í flugi er hægt að nálgast hjá flugfélögunum.
Frekari upplýsingar um stöðu Covid-mála á Íslandi má nálgast hér.
