Hoppa yfir valmynd

Innanlandsflugvellir

Isavia Innanlandsflugvellir ehf. sér um rekstur íslenskra áætlunarflugvalla annarra en Keflavíkurflugvallar. Félagið rekur þrjá flugvelli sem tekið geta við millilandaflugi, Reykjavíkurflugvöll, Akureyrarflugvöll og Egilsstaðaflugvöll auk níu minni flugvalla og lendingarstaða fyrir reglubundið áætlunarflug innanlands. Félagið hefur einnig umsjón með 30 öðrum lendingarstöðum um land allt.

Skrifstofur Isavia Innanlandsflugvalla ehf. eru á Reykjavíkurflugvelli. Framkvæmdastjóri Innanlandsflugvalla er Sigrún Björk Jakobsdóttir.

Hjá félaginu vinnur samhentur hópur að fjölbreyttum verkefnum. Starfsemin nær allt frá almennri flugvallarþjónustu, flugumferðarþjónustu, flugvernd, umsjón með verklegum framkvæmdum auk öryggis og gæðamála. Reksturinn grundvallast á þjónustusamningi félagsins við innviðaráðuneyti sem ákvarðar þjónustustig flugvallanna, rekstur og viðhald, enda er um að ræða hluta af almennings samgöngukerfi sem er í eigu ríkisins.

Gildi Isavia Innanlandsflugvalla eru öryggi, þjónusta og samvinna.

Fréttir frá innanlandsflugvöllum

27.7.2022

Þjónustusamningur innanlandsflugvalla endurskoðaður á næsta ári - gjaldskrá væntanlega skoðuð

Gildandi gjaldskrá innanlandsflugvalla er á meðal þess sem tekið verður til skoðunar þegar þjónustusamningur íslenska ríkisins við Isavia Innanlandsflugvelli um rekstur innanlandsflugvalla á Íslandi verður endurskoðaður á næsta ári. Núgildandi samningur er frá 2019 og rennur út í lok árs 2023.

Lesa meira

13.7.2022

Þýska flugfélagið Condor flýgur til Akureyrar og Egilsstaða sumarið 2023

Þýska flugfélagið Condor hefur ákveðið að hefja áætlunarflug til Akureyrar og Egilsstaða sumarið 2023. Flogið verður frá maí og til loka október í hverri viku bæði milli Frankfurt og Akureyrarflugvallar annars vegar og Frankfurt og Egilsstaðaflugvallar hins vegar. Þetta er í fyrsta sinn sem flugfélagið Condor flýgur til Íslands. Ferðalangar frá Frankfurt geta bókað flug á tímabilinu sem og farþegar frá Akureyri og Egilsstöðum.

Lesa meira

30.6.2022

Miðnæturhlaup Reykjavíkurflugvallar haldið í annað sinn

Um hundrað manns tóku þátt í Miðnæturhlaupi Reykjavíkurflugvallar sem fór fram í gær á Reykjavíkurflugvelli.

Lesa meira

2.6.2022

Jómfrúarflug Niceair frá Akureyri til Kaupmannahafnar

Súlur, ný þota flugfélagsins Niceair, fór í sína fyrstu ferð frá Akureyrarflugvelli í dag. Flogið var til Kaupmannahafnar. Flogið var af stað skömmu fyrir klukkan átta í morgun og lent aftur á Akureyrarflugvelli um klukkan fjögur síðdegis.

Lesa meira

30.5.2022

Airbus vél Niceair gefið nafnið Súlur á Akureyrarflugvelli

Það var fjölmenni í blíðviðri á Akureyrarflugvelli þegar Airbus 319 flugvél Niceair var lent þar í fyrsta sinn í dag. Flugvélinni var flogið þangað frá Portúgal. Jómfrúarflug Niceair verður fimmtudaginn 2. júní þegar flugvélinni verður flogið til Kaupmannahafnar.

Lesa meira

4.5.2022

Brotlending flugvélar sett á svið á Þórshafnarflugvelli

Fimmtíu manns tóku þátt í flugslysaæfingu sem haldin var á Þórshafnarflugvelli laugardaginn 30. apríl síðastliðinn. Brotlending flugvélar með þrettán manns innanborðs var sviðsett. Eldar loguðu á vettvangi og sjálfboðaliðar voru í hlutverki slasaðra nærri flaki flugvélarinnar. Klippum var m.a. beitt til að ná fólki út úr flakinu.

Lesa meira
Skoða allar fréttir