Flugvellir
Niðurstöður af 0
Engar leitarniðurstöður fundust
20.7.2021
Ungverska flugfélagið Wizz Air hóf í gær beint flug milli Íslands og Róm í fyrsta sinn.
14.7.2021
Fyrsta flugvél ísraelska flugfélagsins El Al frá Tel Aviv í Ísrael til Íslands lenti á Keflavíkurflugvelli um kl. 14 í dag. Ferðin í morgun var sú fyrsta hjá félaginu af fimm til Íslands í sumar með hóp ferðafólks frá Ísrael. Flogið verður til 18. ágúst. Í lok júlí, nánar tiltekið þann 27. júlí næstkomandi, bætist annað ísraelsk flugfélag Arkia í hópinn. Arkia flýgur 5 ferðir með ísraelska ferðahópa til landsins fram til 31. ágúst.
13.7.2021
Síðustu daga hafa á ákveðnum tímum dags myndast langar raðir í innritun í flug frá Keflavíkurflugvelli. Er það vegna þess að starfsfólk á vegum flugfélaganna, sem annast innritun, þarf samkvæmt reglum hvers erlends ríkis fyrir sig að skoða PCR próf og bólusetningarvottorð farþega áður en hægt er að innrita þá í flug. Viljum við á Keflavíkurflugvelli taka undir með Icelandair og öðrum flugfélögum á vellinum og hvetja farþega til að mæta snemma í flug til að forðast raðamyndun og aukinn biðtíma.
5.7.2021
Laugardaginn 3. júlí síðastliðinn fóru 10.580 manns um Keflavíkurflugvöll. Svo margir farþegar hafa ekki farið um völlinn á einum degi frá því 13. mars 2020, eða fyrir rúmum 15 mánuðum. Daginn eftir, eða þann 14. mars 2020, settu bandarísk yfirvöld á ferðabann til Bandaríkjanna vegna Covid-19 og fækkaði farþegum um Keflavíkurflugvöll mikið næstu vikuna á eftir.
2.7.2021
Bandaríska flugfélagið United Airlines hóf í dag í fyrsta sinn beint flug milli Keflavíkurflugvallar og Chicago. Bandarískt flugfélag hefur ekki áður boðið upp á beint flug á þessari leið. Fyrstu ferð félagsins milli Keflavíkurflugvallar og Chicago O´Hare alþjóðaflugvallar var fagnað með vatnsboga í morgun.
1.7.2021
Rúmlega 200 hlauparar tóku þátt í miðnæturhlaupi Isavia á Reykjavíkurflugvelli sem haldið var í tilefni af því að völlurinn er 80 ára í ár. Hlaupið var af stað á flugbraut á vellinum kl. 23:30 að kvöldi miðvikudagsins 30. júní.
28.6.2021
Flugumferð er að aukast á ný á Keflavíkurflugvelli með ríflega 70 farþegavélum sem komu til landsins um nýliðna helgi og um það bil jafnmörgum sem flugu af landi brott á sama tíma. Við hjá Isavia fögnum þessari þróun en gerum okkur um leið grein fyrir því að með aukinni umferð getur myndast ónæði fyrir íbúa í nærsamfélagi flugvallarins.
24.6.2021
Því var fagnað með vatnsboga þegar flugfélagið Play fór í jómfrúarferð sína í morgun. Flogið var til London. Fyrsta flugvél Play kom til landsins fyrir níu dögum og nú var haldið í fyrstu ferð félagsins.
22.6.2021
Icelandair nær þeim áfanga í þessari viku að vera með yfir 100 brottfarir frá Keflavíkurflugvelli. Það markar ákveðin tímamót því þetta er í fyrsta sinn frá því um miðjan mars 2020 sem félagið er með yfir 100 brottfarir á einni viku.
15.6.2021
Fyrsta skóflustunguna hefur verið tekin að 1100 fermetra viðbyggingu við flugstöðina á Akureyrarflugvelli. Þar með var markað upphafið að framkvæmdum við bygginguna en verktakar hefjast nú handa við að undirbúa byggingarreitinn. Það var Sigurður Ingi Jóhannsson, samgöngu- og sveitarstjórnarráðherra, sem tók skóflustunguna.
11.6.2021
Fjölmargt fólk var á fyrstu sýningu á samskotsverkinu Einangrun á Reykjavíkurflugvelli í vikunni. Þetta var fyrsta sýning af fimm á innanlandsflugvöllum landsins en sýningarnar eru hluti af Listahátíð í Reykjavík. Næst verður sýnt á Egilsstaðaflugvelli 11. júní, Akureyrarflugvelli degi síðar og að lokum á Ísafjarðarflugvelli 13. júní. Frumsýning verksins hefur tafist um átta mánuði vegna Covid-19 faraldursins.
1.6.2021
Bjarni Benediktsson, fjármála- og efnahagsráðherra tók fyrstu skóflustungu að nýrri 20 þúsund fermetra viðbyggingu við Flugstöð Leifs Eiríkssonar á Keflavíkurflugvelli. Framkvæmdir við bygginguna eru að hefjast og áformað að hún verið tekin í notkun árið 2024. Áætlaður heildarkostnaður er 20,8 milljarðar króna. Verkefnið er mikilvægur liður í uppbyggingaáætlun flugvallarins. Þjónusta við farþega batnar og afkastageta flugvallarins eykst.
Hefurðu ábendingu um efni síðunnar?
Smelltu hér og sendu okkur stutta línu um hvað betur mætti fara!
Ekki tókst að senda ábendingu. Vinsamlega athugaðu hvort upplýsingar séu réttar og reyndu aftur.
Isavia notar þær persónugreinanlegu upplýsingar sem settar eru fram á eyðublaði þessu, s.s. nafn og netfang í þeim tilgangi að vinna úr ábendingum og vera í samskiptum við ábendingaraðila ef fyllri upplýsinga er þörf. Upplýsingum er eytt um leið og mál hefur verið tekið fyrir og lokið. Upplýsingar eru ekki afhentar þriðja aðila. Nánari upplýsingar um meðferð persónuupplýsinga hjá Isavia má finna hér.
Takk fyrir hjálpina!
Ábendingin verður notuð til að bæta þjónustu og upplýsingar á vef Isavia.
