Hoppa yfir valmynd

Um Egilsstaðaflugvöll

EGILSSTAÐAFLUGVÖLLUR

Egilsstaðaflugvöllur er einn af fjórum millilandaflugvöllum á Íslandi og er opinn allt árið. Völlurinn gegnir mikilvægu hlutverki sem varaflugvöllur fyrir flug á milli Evrópu og Íslands, Bandaríkjanna og Íslands og flug yfir Ísland. Flugvöllurinn er á Egilsstaðanesi, á bakka Lagarfljóts, mitt á milli Egilsstaða og Fellabæjar.

Flugvallarstjóri og umdæmisstjóri á Austurlandi er Jörundur Hilmar Ragnarsson.

Flugstöðin var upphaflega byggð á árunum 1963 til 1968 en endurbyggð og stækkuð á árunum 1987 til 1999. Nýr komusalur var formlega tekinn í notkun í apríl 2007. Flugvöllurinn er nánast á miðju Austurlandi. Aðeins er 1-1,5 klst. akstur til flestra þéttbýlisstaða en segja má að flugvöllurinn þjóni nú orðið öllu svæðinu frá Vopnafirði / Bakkafirði í norðri til Breiðdalsvíkur / Djúpavogs í suðri. Aðstæður til flugs eru góðar og aðflug er gott. Veðurfar er flugi hagstætt og áreiðanleiki áætlunarflugs nær 99%.