Hoppa yfir valmynd
27.3.2019
FJÖLMENNI Á FYRSTA OPNA LOKAVIÐBURÐI STARTUP TOURISM

FJÖLMENNI Á FYRSTA OPNA LOKAVIÐBURÐI STARTUP TOURISM

Fjölmenni var á lokaviðburði Startup Tourism viðskiptahraðalsins sem haldinn var í Tjarnarbíó í Reykjavík miðvikudaginn 20. mars 2019. Þetta var í fyrsta sinn sem lokaviðburður viðskiptahraðalsins var opinn öllum og má gera ráð fyrir að vel á þriðja hundrað manns hafi mætt á hann.

Þórdís Kolbrún Reykfjörð Gylfadóttir, ráðherra ferðamála, iðnaðar, nýsköpunar og dómsmála, flutti erindi á viðburðinum. Þar á eftir komu fulltrúar frá þeim tíu teymum sem tóku þátt í Startup Tourism þetta árið.

Startup Tourism viðskiptahraðallinn er sérsniðinn að þörfum nýrra fyrirtækja í ferðaþjónustu og hefur Isavia verið einn bakhjarla verkefnisins frá upphafi árið 2015. Verkefninu er ætlað að veita þátttakendum faglega undirstöðu og hraða ferlinu frá því að hugmynd fæðist þar til viðskiptin blómstri.

Í fyrsta sinn í sögu hraðalsins vinnur helmingur hópsins sem tók þátt að tæknilausnum á sviði ferðaþjónustu á meðan hinn helmingurinn einbeitir sér að nýjum eða betri afþreyingarmöguleikum.

 

Eftirtaldin tíu fyrirtæki tóku þátt í Startup Tourism árið 2018 og fluttu fulltrúar þeirra erindi á lokaviðburðinum:

BusTravel IT

Hugbúnaðarlausn sem eykur ánægju viðskiptavina og skilvirkni í rekstri

Film Iceland

Stafrænn ferðavísir sem gægist bak við tjöldin á kvikmyndatökustöðum landsins

GeoGardens

Samræktargróðurhús og veitingastaður á Hellisheiði

HandPicked Iceland

Leiðarvísir með ekta íslenskum upplifunum sem stuðla að grænni ferðamennsku

Iceland Bike Farm

Fjallahjólreiðar og einstök upplifun hjá hjólabændunum í Mörtungu

Iceland Outfitters

Faglegar og vinalegar veiðiferðir

Iceland Sports Travel

Sérhæfð íþróttaferðaskrifstofa með áherslu á ferðir íþróttahópa til Íslands

Selfie Station

Myndaupplifun við helstu kennileiti Íslands

Venture North

Ferðaþjónusta á Norðurlandi sem býður upp á ævintýraferðir á róðrabrettum

Wapp-Walking App

Leiðsagnarapp með fjölbreyttum leiðarlýsingum um allt land