Flugdagur á Reykjavíkurflugvelli 26. maí - ATH FRESTAÐ TIL 28. MAÍ
|
| Landhelgisgæslan sviðsetti björgun á flugdeginum 2011 |
Mánudaginn 28. maí heldur Flugmálafélag Íslands í samstarfi við Isavia flugdag á Reykjavíkurflugvelli. Sýningarsvæðið er við Hótel Natura (áður Loftleiðir) og opnar það klukkan 12:00. Klukkan 13:00 hefst vegleg flugsýning sem stendur til 15:00. Sýningarsvæðið lokar klukkan 15:30.
Í tilefni af 75 ára afmæli Icelandair hefur Catalina flugbátur verið fluttur til landsins og mun hann taka þátt í sýningunni. Einnig taka þátt listflugvélar, Boeing 757 farþegaþota, þyrlur, fis, þyrla Landhelgisgæslunnar og fjöldi annarra loftfara.
Aðgangur er ókeypis og allir velkomnir.