Flugstöð Leifs Eiríkssonar 25 ára

Þórólfur Árnason stjórnarformaður Isavia flutti stutta tölu og fagnaði áfanganum.

Flugstöð Leifs Eiríkssonar varð 25 ára 14. apríl síðastliðinn og var því fagnað sérstaklega með afmælishófi í gamla yfirmannaklúbbnum á Keflavíkurflugvelli, nú nefnt Ásbrú.

Ögmundur Jónasson, innanríkisráðherra og Þórólfur Árnason, stjórnarformaður Isavia, rekstraraðila flugstöðvarinnar, fluttu stutta tölu og fögnuðu áfanganum. Fleiri góðir gestir voru í hófinu, m.a. nokkrir aðilar sem komu að byggingu stöðvarinnar sem opnuð var formlega 14. apríl 1987 að viðstöddum um þrjú þúsund gestum. Þáverandi forseti Íslands, frú Vigdís Finnbogadóttir, sagði í lok ræðu sinnar „Hver vegur að heiman er vegurinn heim“.

Í ræðu Þórólfs kom einnig fram að flugstöðin hefur fengið nokkrar viðurkenningar á undanförnum árum fyrir góða frammistöðu og þjónustu og hefur flugvöllurinn í tvígang verið valin sá besti í sínum flokki í heiminum á undanförnum þremur árum.

Að afmælishófinu loknu var haldinn dansleikur fyrir starfsmenn stöðvarinnar til að fagna aldarafmæli og frábærum árangri. Þemað var gylltur klæðnaður í anda Austin Powers. Um 700-800 manns mættu um kvöldið og skemmtu sér hið besta.

Myndir frá viðburðinum er að finna á vef Keflavíkurflugvallar.