Flybe hefur áætlunarflug milli Birmingham og Keflavíkur

Breska lággjaldaflugfélagið Flybe, sem er stærsta svæðisbundna flugfélag Evrópu, hóf áætlunarflug milli Birmingham og Keflavíkur í gær.
 
Félagið hyggst fljúga þrisvar í viku árið um kring á sunnudögum, þriðjudögum og föstudögum.
 
Flugvallarstarfsmenn tóku á móti jómfrúarfluginu með hefðbundnum hætti og færðu farþegum á leið til Birmingham veitingar í tilefni dagsins.
 
Isavia óskar Flybe til hamingju með nýju flugleiðina.