![Icelandair hefur áætlunarflug til Portland](/media/_4/_/_q1a0658.jpg)
Icelandair hefur áætlunarflug til Portland
Icelandair hóf í dag áætlunarflug til Portland í Oregonfylgi í Bandaríkjunum og er um að ræða 14. áfangastað félagsins í Norður-Ameríku og þriðja borgin sem Icelandair flýgur til á svokölluðu Pacific Northwest svæði eða Kyrrahafs-norðvestrið. Hinar borgirnar eru Seattle og Vancouver. Flogið verður til Portland tvisvar í viku, á þriðjudögum og fimmtudögum, til 20 október nk.
Eins og hefð er fyrir á fyrsta flugi stóð Isavia fyrir viðhöfn í Flugstöð Leifs Eiríkssonar og var boðið upp á sérbakaða og skreytta tertu og þeir Hlynur Sigurðsson, framkvæmdastjóri Keflavíkurflugvallar og Birkir Hólm Guðnason, framkvæmdastjóri Icelandair klipptu á borða til að fagna þessum tímamótum.
![](/media/_4/_/_q1a0658.jpg)
![](/media/_4/_/_q1a0651.jpg)
![](/media/_4/_/_q1a0697-(1).jpg)
![](/media/_4/_/_q1a0680.jpg)
![](/media/_4/_/_q1a0686.jpg)
![](/media/_4/_/_q1a0670.jpg)
![](/media/_4/_/_q1a0676.jpg)