Óveður kann að raska flugi þriðjudaginn 23. maí og miðvikudaginn 24. maí

Vegna veðurs getur orðið röskun á flugi til og frá Keflavíkurflugvelli og um innanlandsflugvelli frá morgni þriðjudagsins 23. maí og fram eftir morgni miðvikudaginn 24. maí 2023. Veðurspá gerir ráð fyrir töluverðum vindi og einhverri úrkomu.

Farþegar eru hvattir til að fylgjast með upplýsingum um ástand vega á vef Vegagerðarinnar, veðurspá á vef Veðurstofunnar og flugtíma á vef Isavia og hjá viðkomandi flugfélögum.