Styrkjum úthlutað úr styrktarsjóði Isavia

Styrktarsjóður Isavia var stofnaður árið 2011. Helsta markmið sjóðsins er að styrkja viðbragð björgunarsveita í hópslysum og er sérstök áhersla lögð á sveitir sem gegna hlutverki við flugslysaviðbúnað á áætlunarflugvöllum landsins. Tveimur styrkjum var úthlutað úr sjóðnum við stofnun hans í fyrra en við þessa fyrstu formlegu úthlutun úr sjóðnum í ár hlutu 18 björgunarsveitir styrki samtals að upphæð 11,8 milljónir króna. Verkefnin tengjast flest hópslysaviðbúnaði og allar björgunarsveitirnar sem hlutu styrki eru hluti af flugslysaáætlunum á flugvöllum Isavia.

Björn Óli Hauksson forstjóri Isavia afhenti styrkina á formannafundi Landsbjargar og þakkaði Slysavarnafélaginu Landsbjörgu fyrir gott samstarf. Sagði hann að með stofnun styrktarsjóðs Isavia vildi félagið leggja sitt af mörkum til þess að styðja frábært starf björgunarsveitanna sem lékju afar mikilvægt hlutverk í öllum hópslysaviðbúnaði í landinu.

Fulltrúar styrkþega og fulltrúar Isavia og Slysavarnarfélagsins Landsbjargar við afhendingu styrkja úr styrktarsjóði Isavia 5. maí síðastliðinn.

Eftirtaldar björgunarsveitir hlutu styrk Isavia: