Hoppa yfir valmynd

Algengar spurningar

Ef þú finnur ekki svar við þinni spurningu sendu okkur endilega tölvupóst á netfangið passar@kefairport.is

Algengar villur við útfyllingu á umsóknareyðublöðum sem getur valdið töfum:

  • Bæjarnafn vantar. Algengt er að fólk skrifi einungis götunafn þar sem það býr en skrá þarf einnig bæjarfélag og póstnúmer.
  • Netfang er ólæsilegt. Mikilvægt er að netfang umsækjanda sé greinilegt því viðkomandi fær sent rafrænt námskeið á sitt persónulega netfang.
  • Liður 1 í bakgrunnspappírum á að vera auður. Þar fyllir Isavia inn viðeigandi upplýsingar.

Hvar er passaútgáfan?

Passaútgáfan er staðsett í Gullnahliðinu, þ.e. í endanum á viðbyggingu sem er brottfararmegin við flugstöð Leifs Eiríkssonar. Sjá mynd.

Ég hef lokið við flugverndarpróf á netinu, hvenær á ég að sækja passann minn?

Um leið og þú hefur lokið prófinu getur þú sótt passann í passaútgáfu Isavia á milli 8.00 og 16.00 alla virka daga. Þar er tekinn mynd af þér og passinn prentaður út. Passinn er virkjaður um leið og þú getur strax byrjað að nota hann.

Hvert á ég að nálgast passann minn?

Passaútgáfa Isavia er í viðbyggingu við flugstöð Leifs Eiríkssonar. Passaútgáfan er opin á milli 8.00 og 16.00 alla virka daga. Sjá mynd

Hvenær fæ ég prófið sent?

Þegar þú hefur verið bakgrunnskoðaður og fengið jákvæða umsögn lögreglu, færðu sent rafrænt námskeið á netfangið sem var gefið upp í umsókninni. Í tölvupóstinum er að finna viðhengi með leiðbeiningum.

Hver er innritunarlykillinn/lykilorðið mitt?

Í tölvupóstinum er að finna viðhengi með innritunarlykli og leiðbeiningum.

Hvenær á ég að byrja að vinna?

Vinnutengdar upplýsingar færðu hjá þínum vinnuveitanda eða næsta yfirmanni.

Ég þarf að vera í einkennisklæðnaði í vinnunni, hvert sæki ég fötin?

Ef þú ert að vinna í Fríhöfninni eða hjá Isavia þá sækirðu fötin þín á skrifstofur Isavia á 3. hæð í Flugstöð Leifs Eiríkssonar. Ef þú ert að vinna hjá öðrum en Fríhöfninni eða Isavia, færðu upplýsingar hjá þínum vinnuveitanda.

Hvar á ég að leggja bílnum?

Vinsamlegast hafðu samband við vinnuveitanda þinn eða nánasta yfirmann.