Núverandi gjaldafyrirkomulag vegna leigubílaþjónustu við Flugstöð Leifs Eiríkssonar tók gildi 5. maí 2015. Gjaldið er sett á til að stýra betur umferðarskipulagi í kringum flugstöðina, ásamt því að bæta aðstöðu fyrir bílstjóra. Aðgangsstýrt svæði hefur verið sett upp ætlað leigubílstjórum og aðeins þeir sem hafa leyfi til aksturs leigubifreiða geta keypt aðgang þar að.
Sá sem hefur gilt atvinnuleyfi samkvæmt lögum nr. 134/2001 um leigubifreiðar, getur fyllt út umsókn og keypt aðgang í afgreiðslu Isavia – Airport Parking á 1.hæð í komusal Flugstöðvar Leifs Eiríkssonar. Eingöngu sá sem hefur gilt atvinnuleyfi samkvæmt fyrirgreindum lögum hafa heimild til þess að kaupa aðgang að afmörkuðu svæði fyrir leigubifreiðar við FLE. Skilyrt atvinnuleyfi teljast ekki fullnægjandi.
Gjaldskráin sem sett hefur verið upp býður upp á þrjá mismunandi valkosti:
| Tegund gjalds | Verð. |
Stök ferð | 490 kr. |
Mánaðarkort | 15.000 kr. |
Árskort | 120.000 kr. |
