Hvað þarf að hafa í huga þegar farið er í gegnum öryggisleit?
Eftir að þú hefur innritað þig ferðu upp á 2. hæð í öryggisleitina en fyrst þarftu að fara í gegnum aðgangsstýringarhlið með því að skanna brottfararspjaldið.
Allur vökvi þarf að vera í sérstökum glærum plastpoka sem hægt er að loka og má hver eining í pokanum vera 100 millilítrar eða minna. Heildarmagnið í pokanum þarf að vera undir einum lítra. Þú getur fengið plastpoka fyrir vökvann áður en þú ferð í gegnum öryggisleit.
Auk vökva þurfa fartölvur og stærri raftæki, yfirhafnir, belti og skór að fara í þar til gerðan bakka sem er skannaður.
Hvað fer í bakkann?
- Vökvi: Plastpoki með vökva fer í bakkann.
- Fartölvur og stærri raftæki: Símar, spjaldtölvur, snjallúr og stærri raftæki fara í bakkann.
- Belti, yfirhafnir og skór: Mikilvægt er að tæma alla vasa áður en farið er í gegnum öryggishlið. Yfirhafnir, skór og belti fara í bakkann.
Ef bannaðir hlutir eða aðrir hlutir sem ekki má hafa meðferðis finnast í handfarangri er þér gefinn kostur á að innrita hlutina svo framarlega sem þeir mega fara í flug. Aðstaða til að geyma bannaða hluti er ekki fyrir hendi á Keflavíkurflugvelli.