Þjónusta fyrir farþega með fötlun og/eða skerta hreyfigetu

PRM stendur fyrir „Persons with Reduced Mobility“ sem er yfirhugtak yfir einstaklinga með fötlun og/eða skerta hreyfigetu sem þarfnast aðstoðar við að komast um flugvöll og úr eða í flugvél.

Við brottför býðst þér aðstoð við að komast leiðar þinnar allt frá því að þú kemur á flugvöllinn og þar til þú sest í flugsætið þitt.

 Starfsmenn PRM þjónustu eru reiðubúnir að aðstoða þig m.a. við að:

• Komast frá tilgreindum komustað á Keflavíkurflugvelli að innritunarborði
•  Innrita þig og farangur þinn
• Komast frá innritunarborði að flugvél eftir að hafa farið í gegnum öryggisleit og landamæraeftirlit ef við á
• Sækja fyrirfram pantaðar vörur í Fríhöfninni í norðurbyggingu flugstöðvarinnar
• Komast á salerni
• Fara um borð í flugvél með hjálp hjólastóls, lyftu eða annarrar aðstoðar eftir því sem við á
• Koma handfarangri fyrir í flugvél

Við komu á flugvöllinn skaltu láta vakstjóra PRM þjónustu vita af komu þinni með einum af eftirfarandi hætti:

• Í kallkerfi á sérmerktu bílastæði brottfaramegin við norðurhlið flugstöðvar
• Við innritunarborð afgreiðsluaðila viðkomandi flugfélags
• Í kallkerfi á sérmerktum stað í brottfarasal, staðsett undir appelsínugulu skilti sem á stendur „Meeting Point

• Við brottför býðst þér aðstoð við að komast leiðar þinnar allt frá því að þú kemur á flugvöllinn og þar til þú sest í flugsætið þitt.

   Mikilvægt er að þú látir vita af þér þó að þú þurfir ekki aðstoð alla leið í gegnum flugstöðina. Þannig veit vakstjóri PRM þjónustu af þér, veit hverjar óskir þínar og þarfir eru og þið getið skipulagt þjónustuna saman.

Starfsmenn PRM þjónustu aðstoða þig við að sækja vörur í Fríhöfninni ef þú hefur nýtt þér Dutyfree Express þjónustuna. Hún stendur eingöngu brottfarafarþegum til boða. Mikilvægt er að koma með pöntunarnúmerið þegar þú sækir vörurnar. Panta þarf vörur með að a.m.k. sólarhrings fyrirvara. Ekki er mælt með því að panta vörur með meira en viku fyrirvara.

Nánari upplýsingar um Dutyfree Express pantanir má finna inni á dutyfree.is/karfa.

Við komu eða millilendingu býðst þér aðstoð við að komast leiðar þinnar allt frá flugsætinu þínu að næsta ferðamáta innan svæði flugvallarins. 

Starfsmenn PRM þjónustu eru reiðubúnir að aðstoða þig við að:

• Ná í handfarangurinn þinn
• Fara frá borði flugvélar með hjálp lyftu, hjólastóla eða annarra aðstoðar eftir því sem við á
• Komast á salerni
• Komast frá flugvél, í gegnum landamæraeftirlit ef við á, sækja farangur og fara í gegnum tollskoðun
•  Komast frá komusal að næsta ferðamáta innan svæði flugvallar
• Ná næsta tengiflugi

Starfsmenn PRM  veita ekki aðstoð:

• Við að borða og/eða drekka
• Við meðhöndlun og/eða inntöku lyfja, sama í hvaða formi þau eru
• Inni á salerni
• Við persónuleg hreinlætisþrif
• Við að versla á veitingastöðum eða í verslunum (fyrir utan að sækja Dutyfree Express pöntun fyrir eingöngu brottfarafarþega)

Mikilvægt er að tilkynna flugfélagi, umboðsaðila hans eða ferðasala, um þörf þína fyrir aðstoð með a.m.k. 48 klst. fyrir áætlaðan brottfarartíma flugs. Tilkynnið einnig ef þið ætlið að ferðast með hjálpartæki eða þjónustudýr.

Best er að panta þjónustuna þegar verið er að bóka farmiðann en ef það gleymist, eða ákveðin þjónustuþörf er ekki í boði í bókunarferlinu, skal hafa samband við flugfélagið með símtali eða tölvupósti. 

 Það er á ábyrgð flugfélagsins að senda PRM beiðnina þína með a.m.k. 36 klst. fyrir áætlaðan brottfarartíma flugs. Flugfélagið sem þú ferðast með sér um að bóka PRM þjónustuna á bæði brottfarar- og komuflugvöllum ferðar þinnar. Ef þjónustubeiðni berst ekki flugvellinum með þessum fyrirvara getur orðið bið á þjónustunni.

Til að tryggja að allt gangi vel fyrir sig og ferðalagið þitt verði eins þægilegt og mögulegt er, þá er gott að hafa eftirfarandi atriði í huga:

• Vertu raunsæ/-r á eigin þarfir, sérstaklega ef þú getur ekki gengið langar vegalengdir án aðstoðar. Fjarlægðin á milli innritunarborðs og flugvélar getur verið mjög löng.
• Athugaðu hvort flugfélagið eða ferðaskrifstofan getur uppfyllt þarfir þínar.
• Ekki gera ráð fyrir að aðstoð sé í boði fyrirvaralaust. Pantaðu þjónustuna með a.m.k. 48 klukkutímum fyrir áætlaðan brottfarartíma.
• Ekki gera ráð fyrir að starfsmenn PRM þjónustu viti hvernig best er að lyfta eða færa þig, þó þeir hafi þjálfun í því. Best er að leiðbeina þeim um hvað hentar þér.

Samkvæmt alþjóðasáttmálum og EU lögum þá eru takmarkanir á bótum fyrir týndan eða ónýtan farangur, sem gildir einnig um hjálpartæki. Það getur haft í för með sér að sú fjárhæð mun ekki fullgreiða kostnaðinn fyrir viðgerðir eða nýtt hjálpartæki. Það er mælt með að þú athugir tryggingarnar þínar áður en þú ferðast og gangir úr skugga um að þær geti tryggt hjálpartækið þitt.

Flugfélög notast við alþjóðlega kóða til að greina hvers konar aðstoð þarf að veita PRM farþegum. Eftirfarandi eru kóðarnir sem er unnið út frá:

• WCHR: fyrir farþega sem geta ekki gengið langar vegalengdir.
• WCHS: fyrir farþega sem geta ekki gengið upp og/eða niður tröppur.
• WCHC: fyrir farþega sem geta ekki gengið.
• DEAF: fyrir farþega sem eru með heyrnaskerðingu eða eru heyrnalausir.
• BLND: fyrir farþega sem eru með sjónskerðingu, eru blindir og/eða blindir og mállausir.
• DEAF/BLND: fyrir farþega með samþætta sjón- og heyrnarskerðingu.
• DP NA: farþegi með vitsmuna- og/eða þroskaskerðingu.

Þegar þú pantar PRM aðstoð hjá flugfélagi, eða ferðaskrifstofu, þá geta spurningarnar virst ágengar, en þær eru nauðsynlegar til að ganga úr skugga um að þú fáir þá aðstoð sem þú þarft.

Eftirfarandi eru dæmi um spurningar sem þú gætir verið spurð/ur.

• Hverjar eru þarfir þínar?
• Getur þú gengið langar vegalengdir?
• Ef þú þarft hjólastól munt þú nota þinn eigin hjólastól?
• Er hjólastóllinn þinn:

            Samfellanlegur?

            Rafmagnshjólastóll?

• Hversu þungur er hjólastóllinn þinn?
• Hversu stór er hjólastóllinn þinn (hæð og breidd)?
• Þarf einhver að ýta þér í hjólastólnum þínum?
• Getur þú gengið upp og niður tröppur?
• Þarftu aðstoð með að komast um borð og/eða fara frá borði?
• Getur þú farið úr og í hjólastól án aðstoðar?
• Getur þú gengið inni í flugvélarrýminu eða þarft þú að nota hjólastól til að komast þar um? (Gakktu úr skugga um að í flugvélinni þinni sé hjólastól um borð þar sem ekki allar flugvélar bjóða upp á það).
• Er þörf á að það sé aðgengilegt salerni fyrir flugvéla-hjólastól?
• Hvaða aðstoð, ef einhverja, þarftu á meðan flugi stendur?
• Áhöfn getur ekki aðstoðað þig með:

            að borða og drekka

            inntöku lyfja

            að athafna þig inni á salerni.

Sum flugfélög eru með áhafnir sem eru þjálfaðar í að lyfta þér yfir í flugvéla-hjólastól til að komast á salerni, en önnur flugfélög aðstoða ekki með lyftingar. Aflaðu þér þessara upplýsinga áður en þú pantar flugmiðann þinn.

•  Hvers konar sæti henta þér best?
• Tekur þú einhver sjúkratæki/búnað með þér?
• Ertu með astma eða annarskonar öndunarerfiðleika?
• Getur þú spennt sætisbeltið sjálf/ur, sett á þig súrefnisgrímu og björgunarvesti og komist hjálparlaust frá borði í neyð?

Eftirfarandi tvær ástæður geta valdið því að þú fáir synjun á flugi.

1.   Öryggi: Ef þú getur hvorki spennt sætisbeltið sjálfur, sett á þig súrefnisgrímu og björgunarvesti né komist sjálfur frá borði í neyð, á hvaða hátt sem er, þá getur flugfélagið neitað þér um að ferðast með þeim nema að þú fljúgir með fylgdarmanni.

2.   Stærð flugvélar: Ef stærð flugvélarhurðar er ekki nógu stór til að hjólastóllinn þinn komist um borð þá á flugfélagið að láta þig vita sem allra fyrst. Þú átt rétt á því að þau bjóði þér annað flug þar sem hjólastóllinn þinn kemst um borð.