Keflavíkurflugvöllur hefur ekki farið varhluta af áhrifum vegna útbreiðslu Covid-19 hér á landi og víða um heim. Isavia, rekstraraðili flugvallarins, hefur unnið náið með Landlæknisembættinu, Almannavörnum og embætti sóttvarnalæknis um viðbrögð vegna þessa.
SÝNATAKA Á KEFLAVÍKURFLUGVELLI FRÁ 15. JÚNÍ
Ríkisstjórn Íslands hefur ákveðið að eigi síðar en 15. júní næstkomandi geti þeir sem komi til landsins farið í Covid-19 próf á Keflavíkurflugvelli. Farþegar geti valið hvort þeir gangist undir slík próf, framvísi vottorðum um sýnatöku erlendis eða fari í tveggja vikna sóttkví.
Nánari upplýsingar á vef Stjórnarráðsins.
Verkefnisstjórn hefur verið falinn undirbúningur að sýnatöku hjá komufarþegum. Sjá nánari upplýsingar um verkefnisstjórnina.
Til þess að lágmarka smithættu, m.a. á Keflavíkurflugvelli, hefur verið gripið til ýmissa aðgerða:
- Aukið hefur verið við þrif í Flugstöð Leifs Eiríkssonar
- Sprittstöndum í flugstöðinni hefur verið fjölgað
- Upplýsingamyndbönd um smitvarnir eru sýndar á skjám í flugstöðinni
- Upplýsingaveggspjöld um smitvarnir og viðbrögð við mögulegu smiti hafa verið hengd upp í flugstöðinni
- Framlínustarfsfólk í flugstöðinni hefur fengið sérstakar leiðbeiningar um hvernig haga skuli málum, það er byggt á leiðbeiningum sóttvarnalæknis fyrir starfsmenn á alþjóðaflugvöllum
- Allir sem fara um flugvelli Isavia og finna fyrir flensueinkennum eru hvattir til að hafa samband við heilsugæslu sína eða hringja í síma Læknavaktarinnar 1700 (+354 544 4113) til að fá ráðleggingar um næstu skref. Ekki skal fara í afgreiðslu heilbrigðisstofnana til að leita aðstoðar.
- Vélar sem hafa komið frá áhættusvæðum hafa verið meðhöndlaðar í samræmi við tilmæli Almannavarna og heilbrigðisyfirvalda og í samstarfi við þá aðila.
Farþegar og viðskiptavinir Isavia eru hvattir til að fara inn á upplýsingavef Almannavarna og Landlæknisembættisins, www.covid.is þar sem finna má frekari upplýsingar um viðbrögð heilbrigðisyfirvalda á Íslandi vegna veirunnar.
Þjónusta í flugstöðinni
Þjónustustig í verslunum og veitingum á Keflavíkurflugvelli er nú takmarkað sökum lítillar flugumferðar. Á aðalverslunarsvæði flugstöðvarinnar er alltaf opið í Fríhafnarverslun tengt flugi og á Mathúsi eru sjálfssalar. Farþegar geta því alltaf gengið að því vísu að geta keypt veitingar á flugvellinum til að borða á staðnum og taka með í nesti. Aðrir veitingastaðir hafa lokað. Nokkrar verslanir eru með opið á morgnana og fram eftir degi tengt flugumferð, aðrar hafa lokað tímabundið. Við biðjum farþega velvirðingar vegna þeirra óþæginda sem þetta kann að valda.
Vert er að benda á að Icelandair býður öllum farþegum vatnsflösku þegar stigið er um borð og býður upp á mat í lengri flugferðum. Leyfilegt er að taka með sér veitingar úr flugstöðinni .
Sökum lítillar flugumferðar liggja skipulagðar rútuferðir til og frá Keflavíkurflugvelli niðri. Nánar upplýsingar má finna inni á vefsíðum hópferðafyrirtækja hér að neðan. Bílaleigur hafa takmarkað opnunartíma sinn í flugstöðinni. Við biðjum þá farþega sem ætla að nýta sér þjónustu þeirra að hafa beint samband við viðkomandi bílaleigu til að kanna opnunartíma.
Við hvetjum farþega til að bóka bílastæði á vefnum og nýta sér það að fá QR kóða sendan í símann sem notaður er til að komast inn og út af hliðum. Þannig má lágmarka snertingu þegar ekið er inn og út af stæðum. Lagning – bílastæðaþjónusta verður tímabundið ekki í boði, þetta gildir fram til 1.júní 2020. Þetta er gert til þess að tryggja öryggi farþega og starfsmanna vegna Covid 19 veirunnar. Við hvetjum þá sem eru að skutla eða sækja á flugvöllinn til að nýta sér það að fyrstu 15 mínúturnar eru fríar á skammtímastæðum við brottför og komu.
Spurt og svarað
Farþegar eru hvattir til að hafa samband við heilsugæslu sína eða hringja í síma Læknavaktarinnar 1700 (+354 544 4114) til að fá ráðleggingar um næstu skref. Ekki skal fara í afgreiðslu heilbrigðisstofnana til að leita aðstoðar. Upplýsingar um sóttkví má einnig finna inná vefsíðunni www.covid.is
Já flugvöllurinn er alltaf opinn. Innritun hjá flugfélögum opnar yfirleitt tveimur tímum fyrir flug. Öryggisleit er opin þegar flug eru á áætlun.
Upplýsingar um ferðatakmarkanir á ytri landamærum Scehngen svæðisins í samræmi við tilmæli leiðtogaráðs Evrópusambandsins má finna á vef Útlendingastofnunar.
Já hægt er að afbóka bílastæði allt fram að bókunardagsetningu. Það er gert með því að fara inn á mínar síður í bókunarvélinni á vef Isavia. Kostnaður endurgreiðist inn á það kort sem notað var við bókunina. Allar fyrirspurnir vegna endurgreiðslu stæða þar sem bókunardagsetning er liðin þarf að senda á parking@isavia.is og við munum svara við fyrsta tækifæri.
Biðtími er eðlilegur í öryggisleit en við hvetjum farþega ávallt til að mæta tímanlega í flug.
Flugvöllurinn býður enn uppá þjónustu fyrir þá farþega sem þurfa á sérstakri aðstoð að halda. Mikilvægt er að tilkynna flugfélagi, umboðsaðila hans eða ferðasala, um þörf þína fyrir aðstoð með a.m.k. 48 klst. fyrir áætlaðan brottfarartíma flugs.
Nei ekki þarf að vera með grímu til að fara í gegnum flugvöllinn. Við hvetjum farþega sem og starfsmenn samt sem áður til að viðhafa almennt hreinlæti, þvo hendur með sápu og nýta spritt aðstöðu sem sett hefur verið upp á flugvellinum.
Aðeins Icelandair er með söluskrifstofu í brottfararsalnum, allir aðrir verða að nota síma eða tölvu
Já, heilbrigðisráðherra hefur gefið það út að allir farþegar óháð þjóðerni munu þurfa að fara í sóttkví í 14 daga eftir komu til landsins. Sjá frekari upplýsingar á vefsíðu Stjórnarráðsins
Já, til að framfylgja breyttum reglum um sóttkví þarf að taka upp tímabundið landamæraeftirlit á innri landamærum Schengen-svæðisins. Sjá frekari upplýsingar á vef Stjórnarráðsins.